אבן עזרא על תהלים מג

שָׁפְטֵנִי אֱלֹהִים וְרִיבָה רִיבִי מִגּוֹי לֹא־חָסִיד מֵאִישׁ־מִרְמָה וְעַוְלָה תְפַלְּטֵנִי׃

שפטני - קח משפטי מאלה המחרפים אותי והם רבים, על כן אמר: מגוי. וטעם לא חסיד – בעבור היותי טוב ממנו. וטעם מאיש מכלל ומפרט, או רמז למולך על הגוי.

כִּי־אַתָּה אֱלֹהֵי מָעוּזִּי לָמָה זְנַחְתָּנִי לָמָּה־קֹדֵר אֶתְהַלֵּךְ בְּלַחַץ אוֹיֵב׃

כי - טעם אלהי מעוזי - כי אין עוז לי לקחת משפטי ממנו רק בך.

שְׁלַח־אוֹרְךָ וַאֲמִתְּךָ הֵמָּה יַנְחוּנִי יְבִיאוּנִי אֶל־הַר־קָדְשְׁךָ וְאֶל־מִשְׁכְּנוֹתֶיךָ׃

שלח אורך - כנגד קודר אתהלך. ואמתך - כנגד מאיש מרמה. ומלת ינחוני – כנגד התהלך. הר קדשך - הר המוריה. ומשכנותיך - העזרות העתידות להבנות בבית שלישי.

וְאָבוֹאָה אֶל־מִזְבַּח אֱלֹהִים אֶל־אֵל שִׂמְחַת גִּילִי וְאוֹדְךָ בְכִנּוֹר אֱלֹהִים אֱלֹהָי׃

ואבואה, אל אל - שהוא שמחת גילי. וטעם אלהים אלהי – שיראה גוי לא חסיד שאתה אלהי.

מַה־תִּשְׁתּוֹחֲחִי נַפְשִׁי וּמַה־תֶּהֱמִי עָלָי הוֹחִילִי לֵאלֹהִים כִּי־עוֹד אוֹדֶנּוּ יְשׁוּעֹת פָּנַי וֵאלֹהָי׃

מה - ברוח הקודש שיוחיל ישראל אל השם.