Metzudat Zion on Psalms 91 — מצודת ציון על תהלים צא

יֹשֵׁב בְּסֵתֶר עֶלְיוֹן בְּצֵל שַׁדַּי יִתְלוֹנָן׃

יתלונן. ענין התמדה וכן צדק ילין בה (ישעיהו א׳:כ״א):

אֹמַר לַיהוָה מַחְסִי וּמְצוּדָתִי אֱלֹהַי אֶבְטַח־בּוֹ׃

ומצודתי. ענין מבצר חזק:

כִּי הוּא יַצִּילְךָ מִפַּח יָקוּשׁ מִדֶּבֶר הַוּוֹת׃

מפח. מרשת: יקוש. מלשון מוקש: הוות. ענין שברון כמו הוה על הוה (יחזקאל ז׳:כ״ו):

בְּאֶבְרָתוֹ יָסֶךְ לָךְ וְתַחַת־כְּנָפָיו תֶּחְסֶה צִנָּה וְסֹחֵרָה אֲמִתּוֹ׃

באברתו. בכנפיו: צנה. דומה הוא למגן: וסחרה. לבוש מברזל מסבבת הגוף סחור סחור:

מִדֶּבֶר בָּאֹפֶל יַהֲלֹךְ מִקֶּטֶב יָשׁוּד צָהֳרָיִם׃

באפל. בחשך: מקטב. נקרא כן מענין כריתה כמו אהי קטבך שאול (הושע י״ג:י״ד): ישוד. מל׳ שדידה וגזלה:

כִּי־אַתָּה יְהוָה מַחְסִי עֶלְיוֹן שַׂמְתָּ מְעוֹנֶךָ׃

מעונך. מלשון מעון ומדור:

לֹא־תְאֻנֶּה אֵלֶיךָ רָעָה וְנֶגַע לֹא־יִקְרַב בְּאָהֳלֶךָ׃

תאונה. ענין הזדמנות כמו והאלהים אנה לידו (שמות כ״א:י״ג):

כִּי מַלְאָכָיו יְצַוֶּה־לָּךְ לִשְׁמָרְךָ בְּכָל־דְּרָכֶיךָ׃

לך. עליך:

עַל־כַּפַּיִם יִשָּׂאוּנְךָ פֶּן־תִּגֹּף בָּאֶבֶן רַגְלֶךָ׃

תגוף. ענין הכאה כמו ונגפו אשה הרה (שם):

עַל־שַׁחַל וָפֶתֶן תִּדְרֹךְ תִּרְמֹס כְּפִיר וְתַנִּין׃

שחל. שם משמות האריה: ופתן. מין נחש: כפיר. ארי בחור: ותנין. מין נחש:

כִּי בִי חָשַׁק וַאֲפַלְּטֵהוּ אֲשַׂגְּבֵהוּ כִּי־יָדַע שְׁמִי׃

אשגבהו. ענין התחזקות:

יִקְרָאֵנִי וְאֶעֱנֵהוּ עִמּוֹ־אָנֹכִי בְצָרָה אֲחַלְּצֵהוּ וַאֲכַבְּדֵהוּ׃

אחלצהו. ענין הוצאה ושליפה: