Metzudat Zion on Psalms 96 — מצודת ציון על תהלים צו

שִׁירוּ לַיהוָה בָּרֲכוּ שְׁמוֹ בַּשְּׂרוּ מִיּוֹם־לְיוֹם יְשׁוּעָתוֹ׃

בשרו. ענינו השמעת חדשות:

כִּי כָּל־אֱלֹהֵי הָעַמִּים אֱלִילִים וַיהוָה שָׁמַיִם עָשָׂה׃

אלילים. הוא מלשון אל ולא, ר״ל דבר מבלי תועלת וכן רופאי אליל (איוב יג):

הָבוּ לַיהוָה מִשְׁפְּחוֹת עַמִּים הָבוּ לַיהוָה כָּבוֹד וָעֹז׃

הבו. תנו ור״ל תנו בפה ואמרו כמו ולא נתן תפלה (שם א):

הִשְׁתַּחֲווּ לַיהוָה בְּהַדְרַת־קֹדֶשׁ חִילוּ מִפָּנָיו כָּל־הָאָרֶץ׃

חילו. מלשון חיל ורעד:

יַעֲלֹז שָׂדַי וְכָל־אֲשֶׁר־בּוֹ אָז יְרַנְּנוּ כָּל־עֲצֵי־יָעַר׃

יעלוז. ישמח: שדי. כמו שדה: