Metzudat David on Psalms 26 — מצודת דוד על תהלים כו

לְדָוִד שָׁפְטֵנִי יְהוָה כִּי־אֲנִי בְּתֻמִּי הָלַכְתִּי וּבַיהוָה בָּטַחְתִּי לֹא אֶמְעָד׃

שפטני. לקחת משפטי משונאי: לא אמעד. לזה מהראוי שלא אמעד:

בְּחָנֵנִי יְהוָה וְנַסֵּנִי צרופה [צָרְפָה] כִלְיוֹתַי וְלִבִּי׃

בחנני. לדעת מחשבותי:

כִּי־חַסְדְּךָ לְנֶגֶד עֵינָי וְהִתְהַלַּכְתִּי בַּאֲמִתֶּךָ׃

לנגד עיני. להתבונן בהם ולזה אהלך באמתך:

לֹא־יָשַׁבְתִּי עִם־מְתֵי־שָׁוְא וְעִם נַעֲלָמִים לֹא אָבוֹא׃

לא ישבתי. שלא אלמד ממעשיהם: ועם נעלמים. העושים עבירות במקום נעלם ונסתר:

אֶרְחַץ בְּנִקָּיוֹן כַּפָּי וַאֲסֹבְבָה אֶת־מִזְבַּחֲךָ יְהוָה׃

ארחץ. ר״‎ל בתחלה אנקה כפי מלכלוך עון ואחר זה אסובב מזבחך להקריב בה לה׳‎ כי לולא הנקיון אין הקרבן מקובל ברצון:

לַשְׁמִעַ בְּקוֹל תּוֹדָה וּלְסַפֵּר כָּל־נִפְלְאוֹתֶיךָ׃

לשמיע. להשמיע לבני אדם בקול הודאה:

יְהוָה אָהַבְתִּי מְעוֹן בֵּיתֶךָ וּמְקוֹם מִשְׁכַּן כְּבוֹדֶךָ׃

אהבתי מעון ביתך. לבוא בה ולהללך:

אַל־תֶּאֱסֹף עִם־חַטָּאִים נַפְשִׁי וְעִם־אַנְשֵׁי דָמִים חַיָּי׃

עם חטאים. כמיתת החטאים ודומה להם בענין רע:

אֲשֶׁר־בִּידֵיהֶם זִמָּה וִימִינָם מָלְאָה שֹּׁחַד׃

אשר בידיהם זמה. ולזה ראוים הם למות בענין רע:

וַאֲנִי בְּתֻמִּי אֵלֵךְ פְּדֵנִי וְחָנֵּנִי׃

ואני. אבל אני הלא בתומי אלך לזה פדני ממיתת החטאים:

רַגְלִי עָמְדָה בְמִישׁוֹר בְּמַקְהֵלִים אֲבָרֵךְ יְהוָה׃

רגלי. הלא רגלי עמדה בדרך הישר ובקהל רב אברך לה׳‎ ואינני כמוהם להיות דומה להם: