Metzudat Zion on Psalms 50 — מצודת ציון על תהלים נ

מִזְמוֹר לְאָסָף אֵל אֱ‍לֹהִים יְהוָה דִּבֶּר וַיִּקְרָא־אָרֶץ מִמִּזְרַח־שֶׁמֶשׁ עַד־מְבֹאוֹ׃

מבואו. שקיעתו כמו כי בא השמש (בראשית כ״ח:י״א):

מִצִּיּוֹן מִכְלַל־יֹפִי אֱלֹהִים הוֹפִיעַ׃

מכלל. מלשון כל ור״ל כלול בכל היופי וכן לבושי מכלול (יחזקאל כ״ג:י״ב) הופיע. האיר וזרח:

יָבֹא אֱלֹהֵינוּ וְאַל־יֶחֱרַשׁ אֵשׁ־לְפָנָיו תֹּאכֵל וּסְבִיבָיו נִשְׂעֲרָה מְאֹד׃

יחרש. ישתוק: תאכל. תשרף: נשערה. מלשון סערה:

שִׁמְעָה עַמִּי וַאֲדַבֵּרָה יִשְׂרָאֵל וְאָעִידָה בָּךְ אֱלֹהִים אֱלֹהֶיךָ אָנֹכִי׃

ואעידה. ענין התראה שדרכה להיות בעדים:

לֹא־אֶקַּח מִבֵּיתְךָ פָר מִמִּכְלְאֹתֶיךָ עַתּוּדִים׃

ממכלאתיך. מלשון בית הכלא והוא גדרות הצאן: עתודים. הם הזכרים מן העזים:

כִּי־לִי כָל־חַיְתוֹ־יָעַר בְּהֵמוֹת בְּהַרְרֵי־אָלֶף׃

אלף. מנין מרובה אחז הכתוב:

יָדַעְתִּי כָּל־עוֹף הָרִים וְזִיז שָׂדַי עִמָּדִי׃

וזיז. ר״ל הזז ממקום למקום וכן וזיז שדי ירענה (לקמן פ): שדי. כמו שדה:

הַאוֹכַל בְּשַׂר אַבִּירִים וְדַם עַתּוּדִים אֶשְׁתֶּה׃

אבירים. חזקים:

וּקְרָאֵנִי בְּיוֹם צָרָה אֲחַלֶּצְךָ וּתְכַבְּדֵנִי׃

אחלצך. אוציאך:

אִם־רָאִיתָ גַנָּב וַתִּרֶץ עִמּוֹ וְעִם מְנָאֲפִים חֶלְקֶךָ׃

ותרץ. מלשון רצון וחפץ:

פִּיךָ שָׁלַחְתָּ בְרָעָה וּלְשׁוֹנְךָ תַּצְמִיד מִרְמָה׃

תצמיד. ענין חבור כמו צמיד פתיל (במדבר יט):

תֵּשֵׁב בְּאָחִיךָ תְדַבֵּר בְּבֶן־אִמְּךָ תִּתֶּן־דֹּפִי׃

דופי. דברי גנות:

אֵלֶּה עָשִׂיתָ וְהֶחֱרַשְׁתִּי דִּמִּיתָ הֱיוֹת־אֶהְיֶה כָמוֹךָ אוֹכִיחֲךָ וְאֶעֶרְכָה לְעֵינֶיךָ׃

והחרשתי. ושתקתי: דמית. מל׳ דמיון ומחשבה: אוכיהך. מלשון ויכוח ואערכה. ענין סדור:

בִּינוּ־נָא זֹאת שֹׁכְחֵי אֱלוֹהַּ פֶּן־אֶטְרֹף וְאֵין מַצִּיל׃

נא. עתה:

זֹבֵחַ תּוֹדָה יְכַבְּדָנְנִי וְשָׂם דֶּרֶךְ אַרְאֶנּוּ בְּיֵשַׁע אֱלֹהִים׃

ושם. מלשון שימה: